Արհեստական ինտելեկտ VS մարդկային հմտություններ
Շատերը վստահ են, որ աշխատավայրերում արհեստական ինտելեկտով ռոբոտները շուտով փոխարինելու են մարդկանց․ սակայն, իրականում նրանք աշխատանքի միայն մեխանիկական մասն են կատարելու։
18.06.2020![Արհեստական ինտելեկտ VS մարդկային հմտություններ](/images-cache/blogs/1/1633701982021/780x585.png)
Ի՞նչ անել։
Զարգացնել անձնական այնպիսի հմտություններ, որոնց օգնությամբ կկառավարենք մեր իսկ կողմից ստեղծված, բայց ինքնազարգացման հակված ռոբոտների արաքները։
Հմտությունները, որոնք պետք է զարգացնել 2020թ.-ի համար.
Խնդիրների համակարգային լուծում
Այս հմտությունը մասնագետին դարձնում է կենտրոնական գործող օղակ․ հնարավորություն է տալիս գտնել խնդիրն ու պատճառը, հասկանալ հետևանքները, կանխատեսել պրոեկտների անհաջողություններն ու վնասազերծել դրանք:
Անալիտիկ մտածողություն
Տեխնոլոգիաները կատարելագործվում են: Հենց մարդն է գնահատում և վերլուծում տեխնիկայի արդյունավետությունն ու օգտակար փոփոխությունները։
Կրեատիվություն
Իդեաներ, որոնք կունենան մտքի ոչ ստանդարտ աստիճան, և չեն կարող կրկնօրինակվել արհեստական ինտելեկտի կողմից։
Մարդկանց Կառավարելու Հմտություն
Կարևոր է ոչ միայն աշխատանքի կոորդինացումը և առաջադրանքների առանձնացումը, այլ նաև դրանց իրականացման մեթոդները։ Ապագայում անհրաժեշտ են խարիզմայով և էմպատիայով օժտված լիդերներ, ովքեր կարող են մոտիվացնել մարդկանց, զարգացնել նրանց տաղանդները, ստեղծել արդյունավետ թիմեր:
Էմոցիոնալ Ինտելեկտ
Էմոցիոնալ Ինտելեկտը թույլ է տալիս ավելի լավ հասկանալ ոչ միայն մեր, այլ նաև շրջապատի էմոցիաները: Գիտակցությունը, որ մեր էմոցիաները կառավարելի են, մեզ 1 քայլով մոտեցնում է հաջողության՝ ցանկացած ոլորտում։
Վերլուծելու և որոշում կայացնելու ունակություն
Ինֆորմացիոն աղբյուրները գնալով ավելանում են, և գնահատվում է այն աշխատակիցը, ով պատրաստ է համակարգել ու վերլուծել տվյալներն ու ընկերության համար օպտիմալ որոշումներ կայացնել:
Հաճախորդների սպասարկում
Սպասարկման ոլորտում մարդկանց օգնելու կարողությունը կարևոր չափանիշ է մեր օրերում․ մարդկային շփման էսթետիկ աստիճանը հազվագյուտ որակ է դառնում։
Բանակցություն վարելու ունակություն Տարաձայնություններ հարթելու, փոխհամաձայնության եզրեր գտնելու, միևնույն գաղափարին հասնելու հմտություն բոլոր ոլորտներում։
Մտածելակերպի ճկունություն
Մտածել միևնույն ժամանակ մի քանի ուղղություններով, գնալ ոչ թե ակնհայտ, այլ արդյունավետ ուղով, բաց և ճկուն լինել նորամուծություններին և փոփոխություններին, շփման ընթացքում մարդկանց հետ միևնույն էմոցիոնալ դաշտում լինել:
Մարդկային ինտելեկտն արժեքավոր, անսպառ ու անկանխատեսելի է, այն պետք է միայն զարգացնել և գտնել յուրաքանչյուրի համար համապատասխան ոլորտը։