Փոքր քայլերով դեպի մեծ եկամուտներ
Ինչպե՞ս կատարել ներդրումներ։ Ինչպիսի՞ ներդրող եք Դուք։ Ո՞րն է Ձեր ներդրումային ոճը։ Այս և շատ այլ հարցերի պատասխաններ կգտնեք մեր նոր բլոգում։
11.04.2024![Փոքր քայլերով դեպի մեծ եկամուտներ](/images-cache/blogs/1/17128187874533/780x585.jpg)
“Never depend on a single income. Make an investment to create a second source. ”
Warren Buffett
ԱՄՆ-ում շուրջ 158 մլն մարդ՝ չափահաս բնակչության մոտ 61%-ը, ներդրումներ է կատարում բաժնետոմսերում, իսկ ըստ Հայաստանի ֆոնդային բորսայի հաշվետվությունների՝ միայն պետական պարտատոմսերով 2023 թվականի ընթացքում բորսայում կնքվել են ավելի քան 90 մլրդ, իսկ կորպորատիվ պարտատոմսերով՝ 45 մլրդ ՀՀ դրամ ծավալով գործարքներ:
Իսկ Դուք երբևէ մտածե՞լ եք ներդրումներ կատարելու մասին:
Բաժնետոմսերը, պարտատոմսերը, ֆոնդերի փայերը (ETF) ամենատարածված ներդրումային ակտիվներից են ամբողջ աշխարհում: Եկեք հասկանանք՝ ի՞նչ են դրանք ու ինչո՞վ են տարբերվում միմյանցից, և թե ո՞րն է Ձեզ համար դրանցից ամենանպատակահարմար ներդրումային ակտիվը:
Պարտատոմսեր: Պարտատոմսը ցածր ռիսկային արժեթուղթ է: Ձեռք բերելով պարտատոմս՝ Դուք իրավունք եք ստանում նշված ժամկետում պարտատոմս թողարկած անձից ստանալ պարտատոմսի անվանական արժեքը, ինչպես նաև տոկոս: Տարբերում ենք երկու հիմնական տեսակ՝
- Զեղչատոկոսային - ձեռք եք բերում անվանական արժեքից ցածր արժեքով (զեղչով), մարվում է անվանականով: Օրինակ՝ եթե գնեք ԱՄՆ գանձապետական զեղչատոկոսային պարտատոմսեր (UST-Bill) 100,000 ԱՄՆ դոլար անվանական արժեքով, ձեռքբերման պահին Դուք կվճարեք ավելի փոքր գումար, ենթադրենք` 99,000 ԱՄՆ դոլար, իսկ պարտատոմսի մարման օրը կստանաք 100,000 ԱՄՆ դոլարը, և ձեր եկամուտը կլինի 100,000–99,000=1000 ԱՄՆ դոլար տարբերության չափով:
- Արժեկտրոնային - կատարվում են արժեկտրոնային վճարումներ սահմանված ժամանակացույցով՝ հաշվարկված անվանական արժեքի նկատմամբ: Օրինակ՝ եթե ձեռք բերեք 10 մլն դրամ անվանական արժեքով 10% արժեկտրոնային եկամտաբերությամբ պարտատոմս, որի արժեկտրոնները վճարվում են տարեկան կտրվածքով, պարտատոմսի ժամկետի ընթացքում տարեկան կստանաք 1 մլն դրամ արժեկտրոն, իսկ պարտատոմսի մարման օրը՝ նաև անվանական 10 մլն դրամը:
Բաժնետոմսեր: Բաժնետոմսեր ձեռք բերելով՝ ոչ միայն կարող եք եկամուտ ստանալ դրանց գնի աճից, այլ նաև այն տալիս է կազմակերպության շահույթից մասնաբաժին ստանալու իրավունք, եթե կազմակերպությունը կայացնի շահաբաժինների վճարման որոշում: Ի տարբերություն պարտատոմսերի՝ բաժնետոմսերում ներդրումը ավելի ռիսկային է․ դրանք չունեն պարտատոմսերի նման հստակ սահմանված մարման ու դրամական հոսքերի ժամանակացույց:
ETF (ֆոնդի փայեր): ETF-ները, բաժնետոմսերի համեմատ, ավելի ցածր ռիսկային ներդրումային ակտիվներ են, քանի որ հնարավորություն են տալիս կատարել զամբյուղային ներդրումներ: Դուք գնում եք ֆոնդի փայ, որը ներդրումներ է կատարում իր ռազմավարությանը համապատասխանող բազմաթիվ ակտիվներում, այսինքն՝ ոչ մեծ գումարով կարողանում եք ապահովել նաև պորտֆելի դիվերսիֆիկացիա:
Կատարելով նախապես կշռադատված ու գրագետ ներդրումներ՝ թույլ եք տալիս, որ Ձեր գումարն աշխատի Ձեր փոխարեն:
EvocaINVEST. Նոր եկամուտների ժամանակն է
EvocaINVEST հավելվածի միջոցով կարող եք կատարել ներդրումներ մի շարք միջազգային ֆինանսական շուկաներում:
EvocaINVEST-ը հասանելի է web և mobile հավելվածի (App Store և Google Play) տարբերակներով:
- Դարձեք Բանկի հաճախորդ
- Բացեք Բրոքերային հաշիվ
- Ներբեռնեք հավելվածը
- Համալրեք հաշիվը
- Կատարեք ներդրումեր
- Ստացեք եկամուտներ
Հարցերի և մանրամասների համար՝
- +374-10-20-55-55
- [email protected]