Նվիրենք ամիսը մշակույթին

Մայիսը թատրոնի, թանգարանների, կինոյի, դասական համերգների և ցուցահանդեսների ամիս Է: Նվիրենք ամիսը մշակույթին և բացօթյա միջոցառումներին:

Իսկ մենք ձեզ կներկայացնենք ամսվա հետաքրքիր միջոցառումները:

Մայիսի 18-ը Երևան քաղաքի ամենասիրված օրերից է՝ Թանգարանների միջազգային օր և Թանգարանային գիշեր համաեվրոպական միջոցառումներով: Միջոցառումներին յուրաքանչյուր տարի միանում է ավելի քան 120 թանգարան և արվեստի կենտրոն:  Ժամանակացույցը կտեղադրենք շուտով:

Իսկ մինչ այդ կարող եք ծանոթանալ Հայաստանի թանգարաններին՝

• Հայաստանի պատմության թանգարան    
• Հայաստանի ազգային պատկերասրահ  
• Ե. Չարենցի անվան գրականության և արվեստի թանգարան
• Հովհ. Շարամբեյանի անվան ժողովրդական ստեղծագործության կենտրոն  
• Կոմիտասի թանգարան-ինստիտուտ  
• Ռուսական արվեստի թանգարան
• Հայ և ռուս ժողովուրդների բարեկամության թանգարան
• Փայտարվեստի թանգարան
• Ն. Ադոնցի անցան Սիսիանի պատմության թանգարան 
• Հրազդանի երկրագիտական թանգարան  
• Երվանդ Քոչարի թանգարան
• Հովհաննես Թումանյանի թանգարան  
• Սերգեյ Փարաջանովի թանգարան  
• Մարտիրոս Սարյանի տուն-թանգարան
• Եղիշե Չարենցի տուն-թանգարան
• Խաչատուր Աբովյանի տուն-թանգարան 
• Օրբելի եղբայրների տուն-թանգարան  
• Ալեքսանդր Սպենդիարյանի տուն-թանգարան  
• Արամ Խաչատրյանի տուն-թանգարան  
• Ավետիք Իսահակյանի տուն-թանգարան  
• Պատմամշակութային արգելոց-թանգարանների և պատմական միջավայրի պահպանության ծառայություն  

Այստեղ կարող եք նաև կարդալ Երևանի ամենասիրված 10 թանգարանների մասին:

Իսկ գիտեի՞ք, որ Հայաստանում գործում է 50-ից ավելի թատերական կազմակերպություն, որոնցից են՝

• Ա. Սպենդիարյանի անվան օպերայի և բալետի ազգային ակադեմիական թատրոն
• Գ. Սունդուկյանի անվան ազգային ակադեմիական թատրոն
• Կ. Ստանիսլավսկու անվան ռուսական պետական դրամատիկական թատրոն
• Հ. Պարոնյանի անվան երաժշտական կոմեդիայի պետական թատրոն
• Երևանի Հ. Թումանյանի անվան պետական տիկնիկային թատրոն
• Պետական կամերային երաժշտական թատրոն
• Երևանի խամաճիկների պետական թատրոն
• Երևանի կամերային պետական թատրոն
• Համազգային պետական թատրոն
• Բեմարվեստի ազգային փորձարարական «Գոյ» կենտրոն
• Երևանի Փոքր թատրոն
• Երևանի մնջախաղի պետական թատրոն
• Գյումրու Վ. Աճեմյանի անվան պետական դրամատիկական թատրոն
• Վանաձորի Հ. Աբելյանի անվան պետական դրամատիկական թատրոն
• Արտաշատի Ա. Խարազյանի անվան պետական դրամատիկական թատրոն
• Գորիսի Վ. Վաղարշյանի անվան պետական դրամատիկական թատրոն

Վերջին տասնամյակներում ՀՀ-ում անցկացվում են նաև միջազգային թատերական փառատոններ: Այնպես որ՝ եթե որոշել եք մայիսին դիտել թատերական որևէ ներկայացում, կարող եք ցանկին նախօրոք ծանոթանալ այստեղ:

Դասական երաժշտությունը Հայաստանի մշակույթի կարևորագույն և ամենատարածված ուղղություններից է: Վերջին տարիներին Հայաստան են ժամանել համաշխարհային ճանաչելիության հարյուրավոր երաժիշտներ: ՀՀ դասական երաժշտության կարևոր մասնակիցներն են՝

• Հայաստանի պետական սիմֆոնիկ նվագախումբ
• Հայաստանի ազգային ֆիլհարմոնիկ նվագախումբ
• Հայաստանի պետական կամերային երգչախումբ
• Հայաստանի պետական կամերային նվագախումբ
• Կոմիտասի անվան ազգային քառյակ
• «Հովեր» պետական կամերային երգչախումբ
• Հայաստանի ազգային ակադեմիական երգչախումբ

Մայիս ամսվա դասական համերգների ցանկին կարող եք ծանոթանալ այստեղ:

Իսկ այժմ հայկական Jazz-ի մասին: Հայաստանում ջազը տարածվել է 1930-ականներից, երբ Ցոլակ Վարդազարյանի գլխավորությամբ Մոսկվա կինոթատրոնի տարածքում տեղի էին ունենում ջազային համերգներ: 1938թ. ստեղծվեց Հայաստանի պետական ջազ նվագախումբը: Հայաստանում այսօր կան մի շարք ջազ-ակումբներ (Malkhas Jazz Club, Ulikhanyan Club, MEZZO Classic House Club, CLUB 12) և նվագախմբեր, ինչպես նաև ջազի ֆեստիվալներ և ջազ օրեր:

Մայիս ամսվա ջազային միջոցառումներին կարող եք ծանոթանալ այստեղ:

Կինոթատրոն հաճախելը բոլոր ժամանակներում եղել է ժամանցի ամենասիրված միջոցներից մեկը: Եթե մայիս ամիսը որոշել եք անցկացնել ընկերների կամ ընտանիքի հետ կինոթատրոններում, կինոցանկերին ծանոթացեք ստորև՝

• Cinema Star
• KinoPark
• Moscow Cinema

Հիշեցնենք, որ վերջին տարիներին Հայաստանում կազմակերպվում են՝ «Ոսկե ծիրան», «ՌեԱնիմանիա» անիմացիոն, «ՄԵԿ ԿԱԴՐ» կարճ ֆիլմերի, «Ծիրանի Ծառ» վավերագրական ֆիլմերի և այլ միջազգային կինոփառատոններ:

Մայիս ամիսն արդեն հաճելի է նաև բացօթյա միջոցառումների համար`

• GASTROFEST Dilijan (մայիսի 5-8)
• Expo food and drinks (մայիսի 19-21)

 Մայիս ամսվա ընթացքում պարբերաբար կթարմացնենք միջոցառոմների ցանկը!