Ինչպե՞ս չդառնալ խարդախության զոհ

Ամեն ինչ սկսվում է մի պարզ ու բարի «Բարև Ձեզ»-ից։

Դրանից հետո դու մոռանում ես, որ՝

ՉԻ՛ կարելի փոխանցել քարտային տվյալները՝

•  մեկանգամյա օգտագործման գաղտնաբառ՝ 𝟯𝗗 𝘀𝗲𝗰𝘂𝗿𝗲 կամ 𝗩𝗕𝗩,
•  քարտի համար,
•  𝗣𝗜𝗡 կոդ,
•  բանկային գաղտնաբառ,
•  𝗖𝗩𝗩/𝗖𝗩𝗖 թվեր (Ձեր վճարային քարտի դիմերեսին կամ հակառակ երեսին կան նաև եռանիշ կամ քառանիշ 𝗖𝗩𝗩/𝗖𝗩𝗖 թվեր)
•  քարտի վավերականության ժամկետ:

ՉԻ՛ կարելի քարտային տվյալներն ուղարկել SMS-ի, էլեկտրոնային նամակի կամ այլ ցանկացած եղանակով,

ՉԻ՛ կարելի սոցցանցերում և մեսենջերներում տեղադրել կամ ուղարկել քարտի նկարը կամ այլ քարտային տվյալ։

Հիշի՛ր․ քո քարտի անվտանգությունը կախված է քեզնից։

Բանկային գործարքներ կատարելիս՝ կարևոր է 𝗣𝗜𝗡 կոդի և բանկային գաղտնաբառի գաղտնիությունը։

➖ 𝗣𝗜𝗡 կոդն օգտագործվում է բանկոմատից գումար կանխիկացնելիս, POS տերմինալով վճարումներ կատարելիս։

➖ Evocabank-ում դու անձամբ գեներացնում եք քո իսկ նախընտրած 𝗣𝗜𝗡 կոդը ժամանակակից և ապահով տարբերակով՝ քարտը բանկոմատով ակտիվացնելու ժամանակ։

➖ Քո 𝗣𝗜𝗡 կոդը չգիտեն նույնիսկ բանկի աշխատակիցները։ Իսկ բանկային գաղտնաբառը սովորաբար օգտագործվում է բանկային աշխատակցի կողմից՝ քեզ հեռահար նույնականացնելու նպատակով։

➖ 𝗣𝗜𝗡 կոդը մուտքագրելիս եղիր ուշադիր, որպեսզի ոչ ոք չտեսնի քո կոդը և հետագայում օգտագործի այն՝ քո քարտը հափշտակելով։ Կոդը մուտքագրելիս կարող ես ծածկել ստեղնաշարը ձեռքով։

➖ Խուսափիր նաև 𝗣𝗜𝗡 կոդը քարտի վրա գրելուց, մի գրանցիր այն հեռախոսի կամ համակարգչի մեջ և երրորդ անձանց համար հասանելի այլ վայրերում։

➖ Այսօր շատ քարտեր ունեն նաև PayWave կամ PayPass տեխնոլոգիա, որը թույլ է տալիս քարտը պարզապես մոտեցնել POS տերմինալին և անհպում ու առանց PIN կոդի մուտքագրման կատարել վճարում՝ մինչև 20,000 ՀՀ դրամի կամ դրան համարժեք արտարժույթի սահմանաչափով։

Եղիր զգոն և այս տեսակի քարտերը մի՛ թող առանց հսկողության։

Ինչպես նաև խորհուրդ է տրվում գումարը պահել ոչ քարտային հաշիվների վրա։ Անհրաժեշտության դեպքում բանկային հավելվածի` EvocaTOUCH-ի միջոցով հաշված րոպեներում կարող ես գումարը փոխանցել քո քարտին և օգտագործել։ 

Evocabank-ի քարտերով իրականացվող գործարքները պաշտպանված են 3D secure և VBV համակարգերով։