EvocaBRIDGE

Չունե՞ս աշխատանքային փորձ, բայց փնտրու՞մ ես աշխատանք, ուրեմն EvocaBRIDGE ծրագիրը քեզ համար է!

• երկամսյա խորացված ուսումնական ծրագիր,
• ծանոթացում նորարար բանկային միջավայրին ներսից,
• գործնական կապերի հաստատում,
• ամսական 180.000 ՀՀ դրամ վարձատրություն` ներառյալ հարկերը և այլ պարտադիր վճարումները,
• անմիջապես ծրագրի ավարտից հետո աշխատանքի անցնելու հնարավորություն:

💼 EvocaBRIDGE-ին կարող ես մասնակցել, եթե...

• սովորում ես համալսարանի 4-րդ կուրսում, մագիստրատուրայում կամ մինչև 1 տարի է՝ ինչ ավարտել ես համալսարանը,
• ունես բարձր առաջադիմություն,
• հետաքրքրասեր ես, ակտիվ ու նպատակասլաց,
• սիրում ես բացահայտել նորը, սովորել և զարգանալ:

💼EvocaBRIDGE-ին մասնակցելու համար [email protected] էլեկտրոնային հասցեին ուղարկիր.

• ինքնակենսագրական,
• ՄՈԳ-ի ցուցանիշը հաստատող տեղեկանք,
• «Նամակ ապագայից» այն մասին, թե ինչպես ես ամենամեծ 2 նպատակներդ դարձրել հաջողված նախագծեր:

Նախնական ընտրությունն անցած թեկնածուների հետ կիրականացվեն անհատական հարցազրույցներ, որի արդյունքում կընտրվեն ծրագրի մասնակիցները:

Ծրագրի մանրամասներ․

EvocaBRIDGE-ն իրականացվում է 3 փուլերով:
Փուլ 1: Տեսական ուսուցման ընթացքում մասնակիցներն ունենում են հանդիպումներ Բանկի մի շարք ստորաբաժանումների ղեկավարների հետ, ստանում խորացված գիտելիքներ բանկային պրոդուկտների, ծառայությունների և մի շարք գործընթացների վերաբերյալ:
Փուլ 2: Գործնական փուլի շրջանակում մասնակիցները հնարավորություն են ունենում տեսական և գործնական գիտելիքները կիրառել պրակտիկ միջավայրում: Այս փուլի ընթացքում մասնակիցները նաև ներգրավվում են նախագծերի մշակման և ներկայացման հետաքրքիր գործընթացում:
Փուլ 3: Տեսական և գործնական փուլերի ավարտից հետո իրականացվում է թեստավորում և ավարտական նախագծերի հանձնում։ Լավագույն արդյունք ցուցաբերած մասնակիցները ստանում են աշխատանքի առաջարկ Evocabank-ից և սկսում իրենց մասնագիտական ուղին։

Ծրագրի ժամկետներ․

• Մասնակցության դիմումների ներկայացում՝ մինչև 2025թ. փետրվարի 15:
• Ծրագրի սկիզբ՝ 2025թ. փետրվարի 25:
• Ծրագրի տևողություն՝ 2 ամիս: