Հաճախ տրվող հարցեր
Ավանդներ
Evocabank-ը հիմնադրվել է 1990թ. և գործում է շուրջ 29 տարի: Բանկն իր գործունեության ընթացքում արժանացել է բազմաթիվ միջազգային մրցանակների և հանդիսանում է իր բոլոր հաճախորդների համար ազնիվ և վստահելի գործընկեր:
Ի հավելումն, համաձայն «Ֆիզիկական անձանց բանկային ավանդների հատուցումը երաշխավորելու մասին» ՀՀ օրենքի` Evocabank-ում ներդրված բոլոր ավանդները երաշխավորված են Ավանդների փոխհատուցումը երաշխավորող հիմնադրամի կողմից:
Ավանդների փոխհատուցումը երաշխավորող հիմնադրամի մասին մանրամասն տեղեկատվություն կարող եք գտնել այստեղ:
Ավանդների հատուցումը երաշխավորող հիմնադրամը (այսուհետ`Հիմնադրամ) շահույթ ստանալու նպատակ չհետապնդող իրավաբանական անձ է, որի հիմնադրման հիմնական նպատակը Հայաստանի Հանրապետության բանկային համակարգի կայունության և հուսալիության ապահովումն է` ֆիզիկական անձանց և անհատ ձեռնարկատերերի բանկային ավանդների հատուցումը երաշխավորելու միջոցով: Հիմնադրամի հիմնադիրը Հայաստանի Հանրապետության Կենտրոնական բանկն է:
Ժամկետից շուտ գումարի ելքագրումը համարվում է ավանդային պայմանագրի խզում, ինչի հետևանքով տեղի է ունենում հաշվեգրված տոկոսների վերահաշվարկ՝ համաձայն Բանկում գործող ավանդների ներգրավման պայմանների և սակագների:
ՀՀ օրենքի համաձայն՝ սկսած 1995թ. ապրիլի 1-ից բանկերը և այլ ֆինանսավարկային կազմակերպությունները պարտավոր են հաշվարկել և պահել եկամտային հարկ Ֆիզիկական անձանցից և անհատ ձեռնարկատերերից ներգրաված ավանդների դիմաց վճարվող տոկոսագումարից, որը կազմում է տոկոսագումարի 10%-ը:
