CSR
20 մլն դրամ` աղետից տուժած բնակիչներին
Evocabank-ն աջակցել է Լոռու և Տավուշի մարզերում մայիսի 26-ի ջրհեղեղից տուժած բնակավայրերի վերականգնմանը:
24.06.2024
Մայիսի 26-ի ՀՀ Լոռու և Տավուշի մարզերում հորդառատ անձրևներից հետո առաջացել էին հեղեղումներ, որոնց արդյունքում տուժել էին մի շարք բնակավայրեր: Տուժած բնակավայրերը հայտարարվել են աղետի գոտի:
Աղետի հետևանքները վերացնելու համար Evocabank-ը նվիրաբերել է 20 մլն դրամ՝ ջրհեղեղից տուժած անհատներին և ընտանիքներին օգնություն ցուցաբերելու և բնակավայրերին պատճառված վնասների վերականգնման նպատակով։
Evocabank-ը շարունակաբար աջակցություն է ցուցաբերում հանրության տարբեր խմբերին և հասարակական նախաձեռնություններին, որն էլ հանդիսանում է Բանկի կորպորատիվ սոցիալական պատասխանատվության կարևորագույն մասը։
