Segafredo Trek Yerevan 2019 հեծանվաերթ
Սեպտեմբերի 28-ին տեղի ունեցավ ամենաթրենդային և մասշտաբային Segafredo Trek Yerevan 2019 հեծանվաերթը, որի գլխավոր գործընկերն էր Evocabank-ը:
30.09.2019
Վաղ առավոտից Երևանյան փողոցներում հեծանվային տոն էր. ավելի քան 200 հեծանվորդ Աբովյան փողոցում սպասում էին Segafredo Trek Yerevan 2019 միջոցառման մեկնարկին:
Միջոցառմանը պատահականության սկզբունքով խաղարկվում էին՝
- ուղևորություն դեպի Փարիզ Air France-ից,
- 1 տարվա անդամակցության քարտ Reebok Sport Club-ից,
- trek հեծանիվ MyBike-ից, ինչպես նաև այլ բազմաթիվ անակնկալներ:
Փառատոնը կազմակերպվում էր 3-րդ տարին անընդմեջ:
Segafredo Trek Yerevan 2019 միջոցառման կարգախոսն էր՝ "Վարիր առանց աղտոտելու": Evocabank-ը կարևորում է շրջակա միջավայրի պահպանումը, ինչպես նաև միջոցառումը երիտասարդական է և ժամանակակից, ինչպես և Evocabank-ը, - նշեց Evocabank-ի Մարքեթինգի և հասարակայնության հետ կապերի բաժնի պետ Լյուսի Սարուխանյանը:
Մասնակիցներին սպասվում էր անակնկալ հյուրասիրություն՝ համեղ սուրճ և հատուկ բրենդային ձևավորմամբ ջուր:
Միջոցառուման դրամական եկամուտը տրամադրվելու է մանկատան երեխաների համար հեծանիվներ գնելուն:
Միջոցառումը լուսաբանում էր KAMOBLOG-ը, որի լուսանկարները կարող եք տեսնել այստեղ:
