Evocabank-ը կթողարկի պարտատոմսեր
Evocabank-ը կթողարկի 10% և 5.5% եկամտաբերությամբ դրամային և դոլարային պարտատոմսեր՝ 500 մլն ՀՀ դրամ և 5 մլն ԱՄՆ դոլար ընդհանուր ծավալով:
17.02.2021
Evocabank-ը 2021թ․ մարտի 2-ին թողարկելու է անվանական, արժեկտրոնային, ոչ փաստաթղթային, առանց հետգնման հնարավորության, ոչ փոխարկելի պարտատոմսեր:
Բանկը տեղաբաշխելու է 50,000 հատ դրամային և 50,000 հատ դոլարային պարտատոմս: Արժեկտրոններ կվճարվեն եռամսյա պարբերականությամբ։ Մեկ դրամային պարտատոմսի անվանական արժեքը կկազմի 10,000 ՀՀ դրամ, իսկ դոլարայինը՝ 100 ԱՄՆ դոլար:
ԹՈՂԱՐԿՎՈՂ ՊԱՐՏԱՏՈՄՍԵՐԻ ՊԱՅՄԱՆՆԵՐ
| Դաս |
Անվանական արժեկտրոնային |
|
| Անվանական արժեք | 10,000 ՀՀ դրամ | 100 ԱՄՆ դոլար |
| Ընդհանուր ծավալ | 500,000,000 ՀՀ դրամ | 5,000,000 ԱՄՆ դոլար |
| Թողարկվող պարտատոմսերի քանակ | 50,000 հատ | 50,000 հատ |
| Շրջանառության ժամկետ | 30 ամիս | 30 ամիս |
| Արժեկտրոնային տարեկան տոկոսադրույք | 10% | 5.5% |
| Արժեկտրոնների վճարման պարբերականություն | Եռամսյակային | Եռամսյակային |
| Տեղաբաշխող | «Էվոկաբանկ» ՓԲԸ | |
Որպես նորարար և ժամանակակից բանկ՝ Evocabank-ի պարտատոմսերը, առաջին անգամ հայաստանյան ֆինանսական համակարգում, հնարավոր կլինի գնել online տարբերակով՝ Բանկի EvocaTOUCH հավելվածի միջոցով։ Գործընթացը կլինի պարզ, արագ և հարմարավետ։
Պարտատոմսերը պահանջված և եկամտաբեր ֆինանսական գործիքներ են: Դրանք ապահով են, բարձր եկամտաբեր և ունեն մի շարք առավելություններ՝
- Անվանական պարտատոմսերով ներգրավված դրամական միջոցները համարվում են երաշխավորված բանկային ավանդ և ՀՀ օրենսդրությամբ սահմանված չափերով երաշխավորված են Ավանդների հատուցումը երաշխավորող հիմնադրամի կողմից:
- Պարտատոմսերից ստացված եկամուտները ազատված են եկամտային հարկից և ոչ ռեզիդենտի շահութահարկից:
- Արժեկտրոնները վճարվում են եռամսյակային պարբերականությամբ։
ՀԱՃԱԽ ՏՐՎՈՂ ՀԱՐՑԵՐ ՊԱՐՏԱՏՈՄՍԵՐԻ ՄԱՍԻՆ
? Ի՞նչ է պարտատոմսը:
Պարտատոմսը (լատիներեն՝ obligation - պարտավորություն) պարտքային արժեթուղթ է, որը հավաստում է դրա տիրապետողի իրավունքը՝ դրանում նշված ժամկետում պարտատոմս թողարկած անձից ստանալ պարտատոմսի անվանական արժեքը, ինչպես նաև տոկոս։
? Ի՞նչ կլինի, եթե պարտատոմսերում ներդրված գումարն ինձ անհրաժեշտ լինի մինչև մարման ժամկետը:
Evocabank-ի կողմից թողարկված պարտատոմսերը ցուցակվելու են Հայաստանի ֆոնդային բորսայում, և Դուք ցանկացած պահի կարող եք գնել կամ վաճառել դրանք:
? Ինչու՞ պետք է գնեմ պարտատոմսեր՝ ավանդ ներդնելու փոխարեն:
Պարտատոմսեր գնելն է՛լ ավելի շահավետ է և հարմար։ Պարտատոմսերն ունեն մի շարք առավելություններ:
Պարտատոմսերից ստացված եկամուտները ազատված են եկամտային հարկից և ոչ ռեզիդենտի շահութահարկից:
Պարտատոմսերը վաճառելու դեպքում Դուք պահպանում եք մինչ այդ պահը կուտակված տոկոսագումարները:
? Իմ ավանդները երաշխավորված են ավանդների հատուցումը երաշխավորող հիմնադրամի կողմից, իսկ պարտատոմսե՞րը:
Պարտատոմսերը ևս երաշխավորված են։
«Ֆիզիկական անձանց բանկային ավանդների հատուցումը երաշխավորելու մասին» ՀՀ օրենքի համաձայն՝ Բանկի կողմից թողարկված անվանական պարտատոմսերով ներգրավված դրամական միջոցները համարվում են երաշխավորված բանկային ավանդ և երաշխավորված են «Ավանդների հատուցումը երաշխավորող հիմնադրամի» կողմից:
? Ինչպե՞ս կարող եմ գնել Evocabank-ի պարտատոմսեր:
Պարտատոմսեր գնելու համար անհրաժեշտ է՝
Մոտենալ Բանկի ցանկացած գրասենյակ, լրացնել պարտատոմսերի ձեռքբերման հայտ-հանձնարարականը, մուտքագրել գումարը հատուկ հաշվին կամ online տարբերակով` աշխարհի ցանկացած վայրից, օրվա ցանկացած ժամին։
? Կարող եմ արդյո՞ք անհրաժեշտության դեպքում պարտատոմսերի գրավով վարկ վերցնել:
Այո, կարող եք:
Ինչպես և ավանդի դեպքում, պարտատոմսերի դեպքում ևս կարելի է պարտատոմսերի գրավով վերցնել կարճաժամկետ վարկ։
Վարկը տրամադրվում է առավելագույնը պարտատոմսի մարման ժամկետով` պարտատոմսի արժեկտրոնային տոկոսադրույք +2%, այսինքն՝ ՀՀ դրամով՝ 12%, ԱՄՆ դոլարով՝ 7.5% տարեկան անվանական տոկոսադրույքով։
Պարտատոմսերի տեղաբաշխմանը մասնակցել ցանկացողները պարտատոմսերի ազդագրի էլեկտրոնային տարբերակին (գրանցված ՀՀ ԿԲ նախագահի 07.10.2020թ. թիվ 1/562 Ա որոշմամբ), հիմնական պայմաններին ու այլ մանրամասներին կարող են ծանոթանալ այստեղ։
| ԾՐԱԳՐԱՅԻՆ ԱԶԴԱԳԻՐ |
ԱԶԴԱԳՐԻ ԼՐԱՑՈՒՄ |
ՊԱՅՄԱՆՆԵՐ ՀՀ ԴՐԱՄՈՎ |
ՊԱՅՄԱՆՆԵՐ ԱՄՆ ԴՈԼԱՐՈՎ |
 |
 |
 |
 |
100,000 ԱՄՆ դոլարից կամ 50,000,000 դրամից ավել գումարի պարտատոմս գնող հաճախորդները կստանան նվեր՝ Visa վճարային համակարգի ամենաբարձր դասի Visa Infinite քարտ` առանց տարեկան սպասարկման վճարի։
Այս քարտի հետ Դուք կստանաք՝
- Կատարյալ սպասարկում
- Յուրահատուկ մոտեցում
- Էքսկլյուզիվ առավելություններ ամբողջ աշխարհում:
