Ուսումնական պրակտիկա

Evocabank-ն, առանձնահատուկ ուշադրություն դարձնելով երիտասարդության զարգացմանը և նրանց համար հնարավորություններ ստեղծելուն, պարբերաբար կազմակերպում է ուսումնական պրակտիկաներ` համագործակցելով հայաստանյան առաջատար բուհերի հետ:

Համալսարանական պրակտիկայի շրջանակներում մենք համագործակցում ենք հետևյալ Բուհերի հետ՝

Երևանի պետական համալսարան
Հայաստանի ամերիկյան համալսարան
Հայաստանի պետական տնտեսագիտական համալսարան
Հայ-Ռուսական Համալսարան

Ուսումնական պրակտիկայի փուլեր

1 Առաջին փուլ` Համագործակցություն

Բարձրագույն ուսումնական հաստատության և Evocabank-ի միջև կնքվում է ուսումնական պրակտիկայի վերաբերյալ պայմանագիր` համաձայն ուսումնական պլանի:

2 Երկրորդ փուլ` Դիմում-Հայտ

Ուսանողը, ով ցանկանում է անցնել պրակտիկա, պետք է լրացնի դիմում-հայտ՝ կցելով ինքնակենսագրականը:

3 Երրորդ փուլ` Թեստավորում

Դիմորդներն անցնում են թեստավորում, որն իրականացվում է երկու փուլով: Առաջին փուլը գրավոր թեստ է ընդհանուր զարգացվածության վերաբերյալ` ստուգում է hard skills: Բավարար արդյունքներ ունենալու դեպքում թեկնածուն տեղափոխվում է երկրորդ փուլ, որը թիմային առաջադրանք է, ստուգում է soft skills:

4 Չորրորդ փուլ` Ուսումնական պրակտիկա

Նախորդ փուլում լավագույն արդյունք ցուցաբերած դիմորդներն սկսում են պրակտիկան: Ուսանողները, ներածական դասընթաց անցնելուց և կազմակերպությանը ծանոթանալուց հետո, անմիջապես ներգրավվում են ամենօրյա աշխատանքներում` կիրառելով համալսարանական գիտելիքները և հմտությունները:
Պրակտիկայի ավարտին ուսանողներն ստանում են մեծ փորձ, պրակտիկ գիտելիքներ և մոտիվացիա: Եվ իհարկե, պրակտիկայի մասնակցության հավաստագիր:

5 Հինգերորդ փուլ` Աշխատանքի առաջարկ

Ստուգումների դրական արդյունքներ ստանալուց հետո մեր թիմը կապ կհաստատի Ձեզ հետ և կներկայացնի աշխատանքի առաջարկ: Ձեր կողմից այն ընդունվելուց հետո կիրականացվեն փաստաթղթային ձևակերպումները և կամփոփվեն այլ մանրամասներ: Բարի գալուստ Evocabank!